Հարկադիր կատարող, դատարանի օրինական ուժի մեջ մտած ակտերի կատարումը անմիջականորեն ապահովող ծառայող։

Հայաստանի Հանրապետությունում գործում է ՀՀ արդարադատության նախարարության Հարկադիր կատարման ծառայությունը (ՀՀ ԱՆ ՀԿԾ)։ Հայաստանի հարկադիր կատարողը դատական ակտերի հարկադիր կատարումն իրականացնելիս առաջնորդվում է բացառապես ՀՀ օրենսդրությամբ։ Ծառայությունն իրականացվում է օրինականության, մարդու եւ քաղաքացու իրավունքներն ու ազատությունները, պատիվն ու արժանապատվությունը հարգելու, մարդասիրության ու հրապարակայնության սկզբունքների պահպանմամբ՝ միանձնյա ու կենտրոնացված ղեկավարման միջոցով։