Ստեղծագործ մեր ժողովուրդը արժանի է ապրելու
ավելի արժանապատիվ, ավելի բարեկեցիկ կյանքով

Սիրելի հայրենակից

Ներկայումս, երբ դաժան փորձության, ծավալուն ժողովրդագրական տեղաշարժի հետևանքով Սփյուռքում բնակվող հայերի քանակը մոտ երեք անգամ ավելին է քան հայաստանաբնակներինը՝ ազգապահպանման, մեր ջանքերի համադրման, մեր գումարային ներուժի արդյունավետ օգտագործման հարցերը այսօր առավել քան հրատապ են դարձել:

 

Ապրիլյան դեպքերց հետո ակնհայտ դարձավ, որ հապաղել այլևս չի կարելի և օր առաջ է պետք, որ միավորված ուժերով կարողանանք դիմակայել մարտահրավերներին.

Խնդիր դնելով ձևավորել Համազգային կառույցների այնպիսի մի հզոր համակարգ` որը հնարավորություն կտա Մեր Ժողովրդին  հանդես գալ, որպես միաձույլ կազմավորում և որպես նպատակային գործունեության ունակ ինքնուրույն սուբյեկտ աշխարհով մեկ՝

  • Պահպանել և զարգացնել իր կարողություններն ու առանձնահատկություները.
  • Հավասարի իրավունքով ներգրավվել և որպես ամբողջություն իր ակտիվ մասնակցությամբ նպաստել քաղաքակրթության համընդհանուր առաջընթացին.
  • Դիմակայելով մարտահրավերներին իր արժանի, իր ուրույն տեղն ու դերը գրավել պատմական արդի զարգացումներում.
  • Ինչպես նաև նպաստավոր պայմաններ ստեղծել, որ մեր հայրենակիցները և Հայրենիքում, և Սփյուռքում ապրեն ավելի ապահովված, ավելի արժանապատիվ կյանքով՝

ՀՀ Հանրային խորհուրդը ներգրավելով կարող ուժերին մշակել է՝

Համագործակցության և փոխօգնության ազգային կառույցի, նրա Համազգային խորհրդի, հանձնախմբերի, ծառայությունների, դրանց ձևավորման կարգի մասին մանրամասն մշակված ծրագրեր, ինչպես նաև կառույցի հիմնադրման և մեկնարկի կազմակերպման ժամանակացույցը:

Այդ մշակումները արդեն ներկայացվել են ՀՀ Նախագահին, կառավարության անդամներին և ընդհանուր գծերով արժանացել նրանց հավանությանը: Ուստի որոշվեց կառույցի հիմնադիր համագումարը կազմակերպել այս տարի՝ ՀՀ անկախության 25 ամյակի առթիվ կազմակերպվող միջոցառուների շրջանակում:

Սիրելի հայրենակից՝

Քանի, որ պետք է պայմաններ ստեղծվեն, որ կառույցի անդամագրման հայտ ներկայացրած մեր բոլոր ազգակիցները հնարավորություն ունենան թեկուզ հեռակա կարգով մասնակցել հիմնադիր ժողովին: Ընթացքում իրենց հարցերն ու առաջարկությունները ուղարկել կազմկոմիտեին և էլեկտրոնային քվէարկությամբ իրենց դիրքորոշումները հայտնել ընդունվող փաստաթղթերի վերաբերյալ՝ առաջարկում ենք հնարավորինս շուտ ներգրավվել հայրենանվեր այս գործընթացում, գրանցվել, տրամադրել Ձեր կոնտակտային տվյալները, որ կարողանանք կապ հաստատել Ձեր հետ, ժամանակին ուղարկենք քննարկմանը դրվող բոլոր նյութերն ու նախագծերը:

Կազմկոմիտե.